Side 69 - testen

Leste akkurat no på ein blogg frå NRK "Bokbloggen" om side 69 - testen. 

Dette er ein test som fortel om ei bok er interessant eller ikkje. Om ein står på ein butikk og lurar på om ein skal kjøpe ei bok eller ikkje, så er det berre å bla opp på side 69, lese det som står og ut frå det kan ein sjå om det er ei bok som er verdt å kjøpe... visstnok...

Skal jammen byrje å gjere dette, eg.
I alle fall som ein liten smakebit på boka...

Mi nye nettside

Her er adressa til mi nye nettside ei-god-bok. 

Sida er ein del av eit arbeidskrav i norsk 2, og førebels inneheld sida litt om bøker, gode ord og noko meir personlege ting. Sida kjem til å bli oppdatert etterkvart, då vi har arbeidskrav om pedagogisk programvare og rettskriving.

Kva for ei målsetting har eg?

I dag støtte eg borti eit nytt (lite) språkleg problem. 

Problemet går på ordet målsetting. I nynorsk er ikkje dette eit problem, det heiter målsetting eller målsetjing. Men på bokmål...

Skal eg skrive målsetting eller målsetning? 

Eg trur aldri eg har tenkt over at det faktisk er eit ord som heiter målsetting. Eg har alltid brukt målsetning, både skriftleg og munnleg. Men eigentleg høyres målsetting meir logisk ut. Ein sett eit mål, det er ei målsetting. 

Kva seier du? Og kva skriv du?

Blogging for dei minste?

Då eg først fekk høyre at vi skulle ha vår eige blogg for å lære korleis blogge, for så å kanskje ta det med oss ut i skulekvardagen og lære våre framtidige elevar å blogge, tenkte eg automatisk på mellomtrinnet. Eg tenkte at dette er då noko dei minste ikkje vil ha utbytte av.

No... veit eg ikkje. Eg er litt delt i forhold til dette. Skal dei minste få uttrykje seg via denne kanalen, får dei noko utbytte? Vil dei kjenne på den same publiseringsstoltheten som kanskje en eldre elev vil? Har dei behov for dette? Held det kanskje å berre henge opp det dei har skrive på veggen og "publisere" produkta der? Eller skal ein bruke blogging som et verktøy for dei også?

Nedlegging av grendeskoler

Det er eit sikkert teikn at det nærmar seg jul når kommunen sitt budsjett for neste år skal bli vedteke. I år som alle andre år foreslår kommuneadministrasjonen å legge ned skoler for å få budsjettet i balanse. I min heimkommune må hente inn 20 millioner på driftsbudsjettet i 2013, og dermed har rådmannen foreslått dei to siste grendeskolene nedlagt. Kommunen vil spare ca 5 millioner i året på å flytte elevane over på større skoler som knapt har plass til dei.

I eit blogginnlegg skriv medstudent Anniken mellom anna om ulemper med storskoler, til døme at det er større sjanse for at dei "svake" elevane forsvinn i mengda. Eg trur dette er eit viktig poeng. Klarar ein å sjå alle elevane på ei storskole så mykje som dei har krav på? Klarar ein å følge opp til døme 24 elevar like godt som 10? Kjem eg som komande lærar til å klare å sjå alle? Eg har ikkje erfaring frå arbeid på ei storskole, men eg har erfaring frå mellomstore skoler og grendeskoler. Mi erfaring er at eg hadde tid til å sjå elevane og eg blei kjend med alle elevane på skolen. Eg trur det er viktig at læraren har tid til elevane og kan namna deira, også elevar i dei andre klassane.

Formannskapet har innstilt til kommunestyret at skolene skal bli nedlagt og nå rustes det til kamp i dei to grendene. Det heile blir avgjort i kommunestyret den 18 desember. Eg heiar på grendeskolene!

Eltoft skole og Opdøl skole. Begge bilder er henta frå Vestvågøy kommune sine sider. Fotograf ikkje namngitt.

Pageturner

Då eg satt på nett og leita etter informasjon til min sjølvvalde oppgåve, kom eg borti noko som heiter Pageturner. Dette vekka mi interesse. 

I følge nettsida til Pageturner er dette eit nettbasert treningsprogram for å trene opp lesehastigheita og leseforståinga. Dei hevdar det er ein samanheng mellom leseflyt og forståing og at når ein les fort, er det lettare å få tak i hovudpoenget. Eg veit ikkje heilt kva eg synes om det siste, men ut frå det eg las om programmet kan det verke som det er eit program som kanskje kan øve opp auga slik at dei får betre flyt over sidene. På YouTube kan en sjå kva Pageturner går ut på. 

Eg er litt usikker på slike program, kva meiner du? 

Prezi

Etter inspirasjon frå Sølvi sin blogg, ønsket eg å sjå nærare på presentasjonsprogrammet Prezi. 

Eg heiv meg i det og fann ut at eg skulle teste programmet ved å ta det i bruk i undervisning. Dagen etter skulle eg ha tredje- og fjerdeklassingar i RLE og ønsket å lage ein form for VØL-skjema om emnet ISLAM. Elevane i fjerde klasse hadde akkurat lært om VØL-skjema og det var derfor eg valde dette.

Her er min prezi-presentasjon. Eg skreiv inn etterkvart som elevane kom med innspel, først kva dei visste, deretter kva dei ønsket å vite. Så leste vi saman nokre sidar i læreboka, snakket om dette og gjorde oppgåver. På slutten av timen skreiv eg inn det dei hadde lært. Elevane synes dette var morosamt og eg synes det fungerte bra. 

Eg har leita ei stund etter eit alternativ til PowerPoint, som eg meiner har utspilt sin rolle. Kan kanskje dette vere det eg har leita etter, men først må eg nok prøve det litt meir.